Htak N Chye

Htak N Chye

Shinggyim masha tsawra myit,
Tang n du ai tsawm ra grit;
M’su nna mung chye kanawn,
Kraw k’ta hta gaw ai n sawn;
Aput apai n hkam lu,

Negative view chyu mada mu;
Madang wa mung chye ginhka,
Matsan ai hpe yu maza;
Jinghku raitim jahka kau,
Manang raitim shingdu lau;
M’du Yesu dai hku n rai,
Garen ni hpe lakawn ai;
Myit m’chyi ni hpe shamai da,
Gawngrun ni hpe n-gun jaw ya;
Ngai myit n su nga ninglen,
Ngai hpe tsaw ai myit ding-ren;
Tengman tsawra myit ningja,
Masha shada n chye na;
Jinghku ni jahka ma yang,
SHI nye makau e nga ang;
SHI hpe hpyi na malap kau,
Jahka ni hpe she hkan mau;
Ya gaw chye na mat sangai,
Htak n chye ai Yesu hkrai;

Ngai ya Wenyi n-gun lu,
Yesu tsaw myit hta kabu;
SHI nye makau tut nga yang,
Mungkan lam hpa n hkrit tsang;
Tai hpyen hpe mung ngai n hkrit,
Share shagan ni shamyit;
Karai Wa m’jan gasat nga,
Ngai hpe tsaw ai Yesu sha.


 Shanglawt Tsing
 ( 17.10.2011,6:30 AM )