Shai Mat Sai
Moi kawn n tara dip hkrum sha,
Shinggyim hkaw hkang hkrat sum da;
Matsan tsan ai degree htum,
Sak hkrung lam hta shoi mi chyum;
Makam lam mung shagrit sat,
Shatsai kau m’yu ai ladat;
Dai m’jaw anhte kyu hpyi yang,
Myit g’lai ya u kyu hpyi sh’jang;
Tengman tsawra myit bang ya,
N-gaw nwai myit hte sa;
Nlung salum a malai,
Shan sai salum she galai;
Kanu Kawa tai u ga,
Anhte kyu hpyi grai shaja.
Raitim g’lai shai lam n nga,
Nhprang hpri hta grau ja wa;
Grau grau she mazut zingri,
Hkam sha yak hpa m’roi nni;
N dang hkam sai wa she w’tik,
Myit n galu sai she kazik;
G’sat sana adawt sana,
Karai Wa Nang garum ya;
Shagri brep hkra shakrip na,
Anhte hpe n-gun jaw ya;
Tai ni si rum mat nu ga,
Tsadan hte she shabung sa;
Lawu ga de yawng shaden,
N ging dan ai suya hpyen;
Ndai m’jan Karai majan;
Shanhte dang na lam Kaman;
Awmdawm shanglawt shaging rit,
Awng Padang lam shadan nit;
Kamsham lam hta kahkyin la,
Wenyi lam hta gumdin da;
Ginjaw s’lang ni ahkyak ai,
Myit hkrum ai lam hpe makai;
Nbung ahpawt de n yawng,
Man yawng ai de kan n bawng;
Sari k’ba ra sai daini,
Tai hpe dang hkra jawm shakri;
Tsadan n shang lu u ga,
K’rai hkra lata hte magra;
Moi na hte gaw n bung ai,
Kyu hpyi ga ni shai mat sai.
Shanglawt Tsing
( 14.10.2011,3:30AM )
Moi kawn n tara dip hkrum sha,
Shinggyim hkaw hkang hkrat sum da;
Matsan tsan ai degree htum,
Sak hkrung lam hta shoi mi chyum;
Makam lam mung shagrit sat,
Shatsai kau m’yu ai ladat;
Dai m’jaw anhte kyu hpyi yang,
Myit g’lai ya u kyu hpyi sh’jang;
Tengman tsawra myit bang ya,
N-gaw nwai myit hte sa;
Nlung salum a malai,
Shan sai salum she galai;
Kanu Kawa tai u ga,
Anhte kyu hpyi grai shaja.
Raitim g’lai shai lam n nga,
Nhprang hpri hta grau ja wa;
Grau grau she mazut zingri,
Hkam sha yak hpa m’roi nni;
N dang hkam sai wa she w’tik,
Myit n galu sai she kazik;
G’sat sana adawt sana,
Karai Wa Nang garum ya;
Shagri brep hkra shakrip na,
Anhte hpe n-gun jaw ya;
Tai ni si rum mat nu ga,
Tsadan hte she shabung sa;
Lawu ga de yawng shaden,
N ging dan ai suya hpyen;
Ndai m’jan Karai majan;
Shanhte dang na lam Kaman;
Awmdawm shanglawt shaging rit,
Awng Padang lam shadan nit;
Kamsham lam hta kahkyin la,
Wenyi lam hta gumdin da;
Ginjaw s’lang ni ahkyak ai,
Myit hkrum ai lam hpe makai;
Nbung ahpawt de n yawng,
Man yawng ai de kan n bawng;
Sari k’ba ra sai daini,
Tai hpe dang hkra jawm shakri;
Tsadan n shang lu u ga,
K’rai hkra lata hte magra;
Moi na hte gaw n bung ai,
Kyu hpyi ga ni shai mat sai.
Shanglawt Tsing
( 14.10.2011,3:30AM )
No comments:
Post a Comment