Ndai laika ngau gaw daini an hte Christian rai nga ai anhte myu sha ni hte Makam n bung ai ni a lapran byin pru nga wa magang sai manghkang hpe htawng madun mayu ai re. Dai maigan myu ni gaw Myu sha ni hpe roi lu na matu hte roi ngut ai hpang Tara masa hte bai kabai kau nga ai. Daini an hte a shangwang kata sut masa mawru a majaw tinang a hkum hpe ap kau nna lauban byin kun? ngu di lata la ai lam gaw an hte myu sha ni a hkrat sum lam nan rai nga ai. Dai gaw myen mung a Tara Masa hpe n chye ai majaw rai nga ai.
Dai ni na a ten hta an the Jinghpaw Wunpawng ni lam amyu myu hku na, Tai hpyen wa a gasat ai hpe hkrum nga ai. Laknak lang ai an hte Myu sha ni a Hpyen Dap hpe gaw laknak hte Ramma ni hpe gaw gatsi majan lam amyu myu hku sha n ga: Mung masa, sut masa, htung hking masa, Makam masham masa, hpa ji masa, hkam ja lam masa …zawn re ni ladat amyu myu hte anhte a shinggyin a hkaw a hkang hpe tawt lai, roi rip ai lam ni chyu an hte Myu sha ni a shang wang hta hpring nga ga ai.
Dai lam ni hta na dai ni ngai tang madun mayu ai gaw “Blast: Jan Pan” ni a mahkawn kaw na gasi rai nga ai “Maigan amyu ni an hte myu wunpawng shayi ni hpe hkalup kalang hkam yang loi loi hte mai lu ai da! Christian Hpyi dagraw la” ngu ai ga si hpe na dat ai shaloi dai ni anhte buga ginra hta byin taw ai sut masa maw ru a lapran hkrat sum nga ai; kaning n chye di ai sha maigan Lauban Num/La ni hte hkungran ai lam ni hpe mu lu ai. Tai Hpyen ni a Sai gayau ladat laknak gaw lani hte lani ladat amyu myu hku du shang wa magang ai pyi ram ram na mat sai. Dai majaw Myen mung kaw na Tara Upadi gaw gara hku rai nga ai kun? Jawm myit yu dinglik yu ga. Dai hpe myen mung na tara upadi hku na Myu sha ni Maigan Lauban ni hte hkungran yang sha Lauban byin na a hkang nga ai kun? ngu ai hpe tara masa hku dinglik tang madun mayu ai hku re.
Maigan Lau ban, Lauban kasha (Num/La) hte hkungran yang sha lauban byin na a hkang nga ai kun?
Myen mung tara masa hta Christian ni a htung hku shadik shatup hkungran ai raitim; La wa gaw ji woi ji wa ni prat kaw na Lauba sut su ai re. Num gaw hkau na galaw/bum yi galaw sha ai ru sai kaw na yu hkrat wa ai re.
La hte Num gaw Christian htung hku Hpung Up Sara hte hkungran ai raitim nna hkungran ngut ai hpang 4-5 ning na ai hpang ding hku hka na mabyin pru wa ai. La gaw mi moi kaw nna dai Num hte n hkungran shi ai ten kaw na shi a sut masa hpe shi tam bram ai magam bung li galaw ai kaw na grau grau sut su nga mu ngai mai wa ai
raitim Num gaw n ta e nga let dinghku bung li hpe sha hparan ai magam bung li hte a ten jahtum ai hta tinggyen sut masa tam brang ai magam bung li n lu galaw ai.
La hte Num ding hku hka nna ding hku sut rai ni garan ai ten hta gaw La gaw sut lu ai ding hku ru sai kaw na yu wa ai sha n ga ta tut a hkying aten hta mung ding hku a sut masa lam hpe woi awn nga ai re majaw La sha sut rai ni yawgn madu lu nga ai. Num gaw nan nan sha rai nna hpa sut gan rai ma madu lu na nrai nga ai.
Lama Num gaw ding hku rai n shang shi ai ten shi a shang Gumhpraw hpe Tara Kasa ni a man e n lu tang madun ai raitim La hte ding hku shang ngut ai hpang shi a sut tam masa magam bung li nga nna shi lu mahkawng la ai rai yang dai sut rai ni gaw Num wa madu lu na rai nga ai.
Dai hte maren, lau ban kasha Num hte bungli shaja galaw sha ai La sha wa hkungran ngut nna ding hku bai hka garan ai rai yang gaw La wa hpa sut rai hpe mung madu lu na n rai nga ai. N hkung ran shi ai ten shi lawm sa wa ai sha madu lu na rai nga ai. Hpa n lawm yang mung hpa n lu madu lu na re. Num wa matsan dum nna jaw ai hte hte sha myit dik ra na rai nga ai.
Lauban kasha hte hkung ran nna lauban jan byin na n rai nga ai lau ban ni a kanam/ kahkri sha tai na rai nga ai. Rapra ai N Rapra ai hpa tsun shara nnga ai gaw mi kaw na tara upadi gaw nga da chyalu rai nga ai.
Madu la madu ai sut gaw Madu Jan hte n seng ai zawn, Madu Jan madu ai rai mung Madu La hte hpa n seng nga ai. Marai langai ngai gaw Mar (Kanu /Kawa ni si nna jaw kau da ai sut gan), Shingnrai; sha kut nna tam bram ai majaw lu ai sutgan raitim dai marai langai sha madu lu na rai nga ai. Madu Wa/ Madu Jan langai ngai si shakram da yang she dai nga taw ai sut gan hpe tara upadi hte maren hkam la lu na re nga ai.
Num hte La hkungran kau ngut tim tara masa ni gaw galai shai na n rai nga ai. Lahkawng maga tara rung hta tangn shawk lu ai raitim lahkawng yen tara Madu mai tai ai zawn lahkawng yen tara hkam mung mai tai mat nga ai. Hta sha n-ga marai langai a galaw ai magam bung li hta laga marai langai kaw tara masa hku nna lit nnga nga ai.
Lachyum gaw Madu la gaw laga chyasam marai langai ngai kaw nna gumhpraw hkoi shap da nna bai n wa yang dai hka madu gaw Tara rung kaw nna Madu Jan hpe dang ya ai daw dan minute jahkrat ngut ai the; tara jahkrat ngut ai hpang dai tara masa hpe hkan shatup ai ten; Madu wa hkoi lang da ai gumhpraw hpe dai hka madu kaw na dang ai maga shang chya pa na a hkang nnga ai (dang ai wa madu jan rai di bai hpyi ai lam n mai ai) ngu hpe tsun mayu ai re. (Tara masa hta: marai langai a galaw ai magam bung li hta laga marai langai gaw laga marai langai mi kaw tara masa hku nna lit nnga nga ai).
Dinghku shang ngut ai raitim marai langai sha mi kaw na shi madu ai sut gan
hpe gaw shi a myit ra ai hku wang lu wang lang hku nna Madu Wa/ Madu Jan a myit hkrum ai lam nnga tim shi a myit ra ai hku mai gam, mai jaw, mai hkoi shap lu ai. Si ngut ai hpang e shi a sut rai ni hpe shi kam ai wa hpe mai jaw ai lam n si shi yang laika ka da nna tara upadi hku mai jaw kau nga ai.
Dai re ai majaw, Myenmung tara masa hta Lauban Wa/Jan the hkungran nna Laban byin lu na ahkang nnga nga ai. Raitim Lauban gaw mai byin ai. Lachyum gaw Lauban kaw na a yang (hpaga ga ai ten hta lagn ra ai di dun gumhpraw) la nna tinang tinggyen sut masa lam tam, sut hpe mahkawng let galaw la lu mai nga ai.
Daini an hte myu sha ni gara kaw mi du tim Tara masa n chye ai majaw hkrat sum; roi sha hkrum ai gaw lam shagu hta rai nga ai. Karai jaw da ai ngyan hpaji hte tinang a maka tsawm htap hkra gaw de la lu nna Myu Wunpawng sha ni a Sari hpe sharawt let Mungdan a matu madi shadaw ya lu ai the Manu dan ai Jinghpaw Wunpawng Myu sha ni tai nga ga.
No comments:
Post a Comment